Veni cun me alma zingara
partu à rifà lu viaghju
cun a mio pena per bagaghju
un basgiu u ricordu di Lara.
Sona per ella a mio ghitarra
cun a forza ch'ùn averaghju
canta à u mondu u so curaghju
è di l'agnella a stonda amara.
Cusì corta fubbe a so vita
carca di suffrenze è di pienti
d'esiliu è di tradimenti.
Tengu aperta la ferita
eterna muca chì sussura
ùn ti scurdà di 'ssa sciagura.
ùn ti scurdà di 'ssa sciagura.
22/01/18
Aucun commentaire:
Enregistrer un commentaire