Era un trenu

Era un trenu cum'è l'altri
Vagoni nantu à e raglie
Ùn andava ver di u sole
a rena u mare i curalli

Era un trenu cum'è l'altri
Di mercanzia chjamatu
Eppuru nun traspurtava
Nè granu biondu nè latte
Ma cristiani

Era un trenu chì un ghjornu
Nantu à una pessima strada
Si purtò à u spirà
Anna Sarah è Rebecca

Era un trenu ùn vi scurdate
Chì l'anu vistu passà
I tiglioli di Buema
Ne tremanu sempre avà

Era un trenu, è cagione
Oghje di u mo puema
Chjamanu sempre da quallà
Anna Sarah è Rebecca.

07/11/13