Ùn poi micca sapè

Sì tù ùn ai campatu

l'ore amare d'a suffrenza

quandu u core stilittatu

perdi curagiu è sperenza

ùn poi micca sapè.

Sì tù ùn ai vissutu

'ssu sintimu d'imputenza

aspettendu in una stanza

un svegliu mai venutu

ùn poi micca sapè.

Sì t'ùn ai seguitatu

trà chjesuccia è campusantu

u to babbu tantu amatu

l'anima è u core frantu

ùn poi micca sapè.

Cunnoscerai 'ssu ghjornu

ch'ellu serà spentu u fornu

tandu penserai à me

chì dicia sempre à tè :

ci vole à passàcci per sapè...