Pace

À l'iniziu era a pace a bianca culomba

i ghjochi d'i zitelli e stonde inzuccarate

oghje hè cambiatu tuttu hè fughjitu l'estate

disgraziata cità sott'a l'orrenda bomba.

Si sente in ogni cantu a saetta chì fromba

vecu a mo ghjente offesa e mamme spaventate

circà per a ciucciata u pane eppo u latte

è Falcina ogni ghjornu scavà qualchi tomba.

S'arricorda l'aranciu, s'arricorda l'alivu

d'u benestà passatu è d'un amore vivu

nant'e sponde sacrate di u mare d'azuru.

 S'infiara a Sperenza, spalanchendu a porta

per dì à l'omu mansu, d'un versu sicuru
rivenerà dumane a Pace unancu morta.




23/05/15