jeudi 29 juin 2017

Firmeranu

È firmeranu
dolci ricordi
d'un tempu mele
à spannacore.

Paese caru
à la sulana
fola incantata
è ghjente amata.

Mumenti d'eri
mumenti andati
di zitellina
mea beata.

Duve serete
vi cercu in vanu
quandu a vita
face da birba.

06/06/2017




samedi 17 juin 2017

Vagabondu

The wanderer , George Grosz, 1936.

Chjassi di brina
in Moldavia
di petre arritte
in Galicia
vagabondu sò.

Stella cadente
speranze spente
viotu à l'intornu
vagabondu
un ghjornu.

Strada à cunchiglie
lettu fiuritu
volta di stelle
vagabondu
in a pelle.

Ripe silenziu
di u licenziu
angoscia arrente
vagabondu
da sempre.

Tanti li chjassi
frusti li passi
temu chì a notte
u mo nome
sguassi.

Intantu vocu
m'aspetta un locu
è l'ultimu viaghju
un vagabondu
firmeraghju.

15 di ghjugnu di u 2017




Natu in 17 in Leidenstadt

S’era natu in 17 in Leidenstadt Nantu à ruvine insanguinate Seria statu un bravu o un peghju cristianu S’era statu Allemanu Di t...