Camaratu

Camaratu

Eri u mo solu amicu camaratu

N’avemu fattu tant’è più barricate

A machja,i commando è l’imbuscate

Camaratu

Camaratu

Una dumenica eru à a parata

T’aghju vistu à mezu à ghjente incustumata

Cullatu di gradu a m’aghju pensata

Camaratu

Camaratu

Quant’eranu à fatti l’accumbracciata

Tempu di e mani strinte è d’abbracciate

Cum’è un’impressione di mascarata

Camaratu

Camaratu

Mi sò fattu à ‘ssa vita inghjuliata

À dorme vestutu hè fresca a nuttata

Ma basta solu ad ùn cascà malatu

Camaratu

Camaratu

Cum’è serà a nostra furesta ambrata

Daretu à ‘ss’alti muri hè piattata

In prigione ùn hè permessa a scappata

Camaratu

Camaratu

A matina rileva di e brigate

À meziornu hè ora d’a passighjata

Scappà tante volte l’aghju sunniata

Camaratu

Camaratu

M’anu dettu t’anu datu un’ambasciata

In qualchi locu Caracas o Belgrada

Più tù colli è eiu pigliu a falata

Camaratu

Camaratu

A facciu finita cun ‘sse geremiate

À prestu forse in una o duie decade

È segnu cum’è in tempu d’e zerpittate

U TO CAMARATU

Camaratu

Eri u mo solu amicu camaratu

N’avemu fattu tant’è più barricate

A machja,i commando è l’imbuscate

Camaratu.

31/03/20

D’appressu à Camarade (parulle Jacques Plante-Charles Aznavour)

https://www.youtube.com/watch?v=sbJ1uY9Y83U

Les corons

À u nordu eranu i corons

A terra era u carbone

U cele era l’orizonte

L’omi minadori di fondu

E finestre guardavanu finestre pare

L’acqua incrusciava i m’affari

Ma babbu a sera avia l’ochji chjari

Cridia di vede u mare

Amparava à cuntà capu nant’a so spalla

Era appena u mo fanale

Cum’è tutta a so ghjente era generosu`

È li devu ciò ch’o socu

À u nordu eranu i corons

A terra era u carbone

U cele era l’orizonte

L’omi minadori di fondu

Era a zitellina, trà ghjorni sebbiati

È bucaticci annebbiati

Tutti ‘ssi terrili eranu e mo muntagne

Da in sù vidia a campagna

Cum’è i soi babbu avia a faccia negra

Mamma i capelli di neva

A fossa era per elli u paese amatu

Grazie à elli aghju amparatu

À u nordu eranu i corons

A terra era u carbone

U cele era l’orizonte

L’omi minadori di fondu

C’era in merria u ghjornu di a chermessa

Un ritrattu di Jean Jaurès

Era tandu u vinu un diamante rusinu

Cun silicosi vicinu

Trentasei in mente, i colpi di grisù

Quelli ch’ùn vulteranu più

Li piacia a mina a soia a cunfina

Grazie à elli aghju capitu

À u nordu eranu i corons

A terra era u carbone

U cele era l’orizonte

L’omi minadori di fondu

U cele era l’orizonte

L’omi minadori di fondu.

30/03/2020

D’appressu à Les corons, parulle Jean-Pierre Lang.

https://www.youtube.com/watch?v=7-OuhNfMIOE

Hè d’altrò

È hà ‘ssu lume scemu in lu sguardu

Chì rende cecu o namuratu

È tanti gesti prufumati

Chì rendenu pazzi o fidati

Ma luntana in u so core

Per me di sicuru hè d’altrò

È hà ‘ssa manera di parlà pocu

Chì carezza u mo ricordu

‘ssa manera di traversà

Quand’ella sorte à cumprà

Quand’ella mi dice « bonghjornu »

Per me di sicuru hè d’altrò

Ed eiu sò cascatu in schiavitù

Di ‘ssu surrisu di ‘ssu visu

chì mi colla in paradisu

ed eiu sulcheraghju l’onde

versu porti nuvelle sponde

ma sempre passa è nun risponde

parlà per ella ùn hà valore

per me di sicuru hè d’altrò

È hà ‘sse longhe mani di dentella

Vermeer hà pinghjeria in stella

‘ssa siluetta veniziana

Quand’ella apre a so persiana

‘ssu gestu hè chjosu in u mo core

Per me di sicuru hè d’altrò

Ed eiu sò cascatu in schiavitù

Di ‘ssu surrisu di ‘ssu visu

chì mi colla in paradisu

ed eiu sulcheraghju l’onde

versu porti nuvelle sponde

ma sempre passa è nun risponde

amà per ella ùn hà valore

per me di sicuru hè d’altrò

Ed eiu sò cascatu in schiavitù

Di ‘ssu surrisu di ‘ssu visu

chì mi colla in paradisu

ed eiu sulcheraghju l’onde

versu porti nuvelle sponde

ma sempre passa è nun risponde

Ed eiu sò cascatu in schiavitù

Di ‘ssu surrisu di ‘ssu visu

chì mi colla in paradisu

ed eiu sulcheraghju l’onde

versu porti nuvelle sponde

ma sempre passa è nun risponde

28/03/2020

D’appressu à Elle est d’ailleurs (parulle Pierre Bachelet - Jean-Pierre Lang)

https://www.youtube.com/watch?v=F3y-Jp5dCFI

Riparà ti

Quandu faci per u megliu è ch’ùn basta

Ch’ùn ai ciò chè tù ai bisognu

Quandu sì troppu stancu pè truvà u sonnu

Sempre in penseru

E lacrime colanu à fiumara

Quandu perdi a cosa più cara

Quandu teni à qualcunu ch’ùn ne hà primura

Ci serà peghju ?

Truverai lumi nant’a strada

Ti riscalderanu l’anima

Eiu pè riparà ti

È induve tù ti trovi

Troppu amore in tè pè lascià corre

Ùn puderai sapè, sè t’ùn provi

Ciò chè tù vali

Truverai lumi nant’a strada

Ti riscalderanu l’anima

Eiu pè riparà ti

Lacrime à fiumara

Quandu perdi a cosa più cara

Lacrime à fiumara

Eiu pè…

Lacrime à fiumara

Ti prumettu d’amparà d’i mo sbagli

Lacrime à fiumara

Eiu pè…

Truverai lumi nant’a strada

Ti riscalderanu l’anima

Eiu pè riparà ti

24/03/2020

D’appressu à Fix you (parulle Chris Martin-Guy R.Berryman-Jonathan Buckland-William Champion)

https://www.youtube.com/watch?v=k4V3Mo61fJM

Fà cum’è sì

Vene di u carrughju un silenziu stranu

Cum’è un’altra dumenica

Un omu canta quallà nant'un balcone

A so vicina di viulinu sona.

À i zitelli chì anu a paura

Dimu ghjè un’avventura

Nantu à u frigò mettimu u so disegnu

Da dimenticà ‘ssu mondu scemu.

Fà cum’è sì, era solu un ghjocu

Fà cum’è sì, cum’ellu si pò

Quandu vene a notte, ochji serrati

Fà cum’è sì eramu sempre sebbiati.

Fà cum’è sì, ùn eramu quì

À prestu parenti è amichi

È ancu sì veranu si ne và

Sapete chì un ghjornu riturnerà.

È u timore ùn cancella u to surrisu

Mi sì ancu più vicinu

Ancu per parlà di l’azuru d’u celu

Ùn ti scurdà di fammi un segnu.

Fà cum’è sì era solu un ghjocu

Fà cum’è sì, cum’ellu si pò

Quandu vene a notte, ochji serrati

Fà cum’è sì eramu sempre sebbiati.

Fà cum’è sì, ùn eramu quì

À prestu parenti è amichi

È ancu sì veranu si ne và

Sapete chì un ghjornu riturnerà.

Vene di u carrughju un silenziu stranu

Dumenica di rigalu

Dopu u nostru campà serà più bellu

Ùn ti scurdà di fammi un segnu.

23/03/2020

D’appressu à On fait comme si, parulle Bruno Guglielmi.

https://www.youtube.com/watch?time_continue=24&v=wmfRP8rEZuk&feature=emb_logo

Oceano Nox

O quantu marinari, quantu capitani

Chì sò partuti allegri per viaghji luntani,

In l’orizonte foscu si seranu svaniti !

Quant'averanu sparitu, ingrata furtuna,

In un mare torbidu a notte senza luna,

Sottu à l’uceanu per sempre sepelliti !...

Quantu patroni morti cun i  so equipagi

L’uraganu, d’a so vita hà strappatu e pagine

È in un lampu l’hà spaperse nantu à l’onda !

Nimu per ammentà cum’è una nave sprufonda.

S’hà chjappu passendu ogni marosu testimone,

À chì i marinari à chì a’mbarcazione.

Nimu sà a vostra sorte, corce anime perse !

Ciambuttate attraversu annigrite stese,

Fronti morti chì pichjanu scogli incunnisciuti

O quantu vechjetti stanchi, in core un sognu,

Sò morti aspettendu nant’a rena ogni ghjornu 

Quelli ch’ùn vulteranu più !

………………………………………………………………………………

Duve sò i marinari morti in l’uscurità ?

O marosi, n’avete storie tetre da cuntà !

O marosi, spaventu d’e mamme indinuchjate !

E vi cuntate ad altu mare frà di voi,

Ed hè ciò chì vi face ‘sse voci addisperate

Chè vo avete a sera venendu ver di noi !

22/03/2020

D’appressu à Oceano Nox (frammentu) di Victor Hugo.

U suminadore

Eccu l’ora di l’attrachju ;

Da sott’un purtò m’incanta

U sprichju di luce nant’a

L’ultima ora di travagliu.

In le terre abbughjate,

Mi cummove u vechju pannu

D’un anzianu chì à manate

Sumena u biondu granu.

Alta la so siluetta

Supraneghja l’aratura

Da tantu po l’addiletta

U miraculu d’a natura.

U vecu in la piaghja smensa,

Passa, vene, lampa a biada

Apre a manu è ricumencia,

À ritmu d’a so scarpata,

Mentre, stendendu e so vele

È mischiata à u rimore

L’ombra allarga à e stelle

L’attu di u suminadore.

21/03/2020

D’appressu à Le semeur di Victor Hugo.

Pittura Le semeur di J-F Millet.

Mare

Ùn fussi ch’una stonda

Rispirà u t’odore

È di sale è d’ambata

Cum’è ad ogni albore

È vede la to sponda

D’a sciuma accarizzata
🙏🙏

19/03/2020

A malatia d’amore

Corre corre

A malatia d’amore

In cor di i zitelli

Da i ciucci à i vechjarelli

Canta canta

U fiume di l’amanti

Chì tene intricciate

Chjome bionde chjome ingrisgiate

Face l’omu giucondu

È accrescesi u mondu

Pò cagiunà suffrenza

À quale ùn hà scenza

Face pienghje le donne

È mughjà à l’ascosa

Ma u più chì ferisce

Hè quand’ella si ne và

Corre corre

A malatia d’amore

In cor di i zitelli

Da i ciucci à i vechjarelli

Canta canta

U fiume di l’amanti

Chì tene intricciate

Chjome bionde chjome ingrisgiate

Surprende a liceana

Nantu à u bancu d’a scola

Da a risa à sulana

D’un prufessor di storia

Fulmina in carrughju

‘ss’omu chì passa solu

Ch’ùn smenticherà più

‘ssu prufumu chì vola

Corre corre

A malatia d’amore

In cor di i zitelli

Da i ciucci à i vechjarelli

Canta canta

U fiume di l’amanti

Chì tene intricciate

Chjome bionde chjome ingrisgiate

Corre corre

A malatia d’amore

In cor di i zitelli

Da i ciucci à i vechjarelli

Canta canta

U fiume di l’amanti

Chì tene intricciate

Chjome bionde chjome ingrisgiate

16/03/2020

D’appressu à La maladie d’amour (parulle Claudric-Dessca-Revaud-Sardou)

https://www.youtube.com/watch?v=EYQF1Iy0C_4

A ballata di a povara ghjente

O rè chì serete ghjudicati un ghjornu

Pensate à quelli ch’ùn anu un baiuccone ;

D’u populu amore abbiate cumpassione,

Prontu à zappà è prontu à fà a guerra

À pagà e tasse è à fà a tribbiera.

A povara ghjente hè dannata - hè cusì !

È a so soma sempre di più pisia.

I menu tocchi ùn anu u necessariu.

U fretu l’acqua eppo l’astru sulariu,

Per i disgraziati tuttu hè calvariu.

U corciu paisanu hà u so da fà

Tale à ‘sse bestie minate di staffile.

Hà fattu e vindemie, messu u fornu à scaldà

Per un pranzu un matrimoniu da accuncià,

Vene u signoru sempre di più vile ;

È nantu à u so vassalu in lu dannu,

Cum’è un acula l’artigliu, mette a manu,

« Eccumi ! » dice pigliendu pane è fruttu

Per i disgraziati hè calvariu tuttu.

15/03/2020

D’appressu à Ballade des pauvres gens, di Théodore de Banville.

Coronavirus

À capu di dui mesi

Dopu ghjuntu l’annu novu

Ci hè affaccatu un arnese

Di numaru dicianove

Di cunsunanza latina

Venutu si sà da a China

Tanti paesi culpisce

Dapoi ch’ellu hè natu

Ma u più chì mi ferisce

Hè ch’u mare hà francatu

Da casticà a più bella

A nostra cara isulella

Ùn ci vole à tuccassi a manu

Nè à basgiassi in carrughju

Sentu un sentimentu stranu

Mi pare d’esse à u bughju

O ch’ellu parti luntanu

È torni prestu u veranu !

Hè venutu da l’Asia

È ci face tutti pari

Di pettu à ‘ssa batteria

Siamu ricchi o povari

Ognunu pò esse toccu

Ùn hè micca un taroccu

Ma n’avemu vistu d’altre

Trà fiumare è timpesta

A fame a guerra è l’armate

In quarantacinque a pesta

Cun a fede sempre à latu

Un ghjornu ritorna a festa

Chjosi sò licei è scole

I parchi è i sinemà

A vi dicu nun sò fole

In casa ci vole à firmà

Pare un filmu di fizzione

A nostra realità

Prestu prestu à u Corona

Li feremu u funerale

Sentu digià a ciccona

Hè finitu u tempurale

Purteranu torna i ciucci

Maschere di Carnavale

In aspettendu a partenza

Di ‘ssu pessimu invitatu

Coronavirus chjamatu

Tenimu forte a sperenza

È preghemucila bona

Da u cininu à a mammona

10/03/20

Brama

Ùn fussi ch’una stonda

Pusà vicinu à tè

Fà di ogni seconda

Una stonda piacè

Cum’è di lugliu scorsu

Intorn’à quellu caffè       

Ùn fussi ch’un mumentu

Ritruvà lu to sguardu

Cusì dolce è clemente

In core à me stampatu

A chjama à l’impruvisu

Un ci hè più bellu azardu

Ùn fussi ch’una cria

Cuntemplà le to mani

In giru à ‘ssa tazzina

Mazzulu di veranu

È da tandu turnate

A mo vita u mo fiatu

Vuleria ci pensu

Rivede u to surrisu

Culombu à cele immensu

U mo fiore d’alisu

E to labbre seranu

Tandu u mo paradisu.

A bellula entrata in grate

Damicella bellula, corpu longu è magru

Per un tufone strettu si n’entrò in grate

Surtia di malatia

Quì campendu ciatta ciatta

Ne fece un bellu ripastu,

Manghjò, ruzzicò in paperia

Prisutti è tutta a salameria !

In conclusione, eccula

Grassa, paffuta, tondula.

Techja techja, passata una settimana

Intesu un rimore, vole esce d’a tana,

Ma ùn passa più, crede ad un’illusione.

Dopu riflettutu un pocu

Dice : « sò misteri, eppuru hè u locu ;

Ci sò passata ùn seranu cinque ghjorni.”

Li dice un topu, videndula dassi rimenu

« Ò cummà ! Aviate tandu u corpu menu pienu. 

Magra site entrata è magra ci vole à sorte. 

A possu dì à d’altri, ciò ch’eo dicu à voi,

Ma acqua in bocca o seriate in l'imbrogli

Chì à u soiu ùn serà paru u vostru l'errore. »

07/03/20

D’appressu à La belette entrée dans un grenier, di La Fontaine.

A capana di u piscadore

Face notte. A capana misera hè chjosa,

U locu hè umbrosu, è si sente qualcosa

Chì face lume attraversu l’attrachju scuru.

Reti di piscadori sò appese à u muru.

In u scornu in fondu duve qualchi piattarellu

Nant’e scance d’a cridenza luce un pucarellu,

Si vede un lettone cun longhe tendine stanche,

Vicinu, una strapunta copre vechje panche.

Cinque ciucci, nidi d’anime, penciuleghjanu.

U caminu altu duve e fiaccule veghjanu

Arrussisce u sulaghju scuru ; fronte ghjimbata,

Una donna preca in ghjinochje cum’è malata.

Hè a mamma. Sola hè. Fora, di bianca sciuma,

À u cele i venti i scogli a nebbia a notte pagna,

L’oceanu lampa un singhjozzu di calamaru.

L’omu hè in mare. Da zitellu hè marinaru…

Face un‘aspra battaglia contru à u scuru azardu

Acqua o burrasca, ci vole à sorte, ci vole à parte

Chì i ciucci anu a fame. Parte a sera solu

Quandu l’acqua hè nant’e scale d’a punta d’u molu.

06/03/20

                                         pittura Juan Gonzalez Alacreu

D’appressu à La cabane du pêcheur, di Victor Hugo.

Desideriu-Federico Garcia Lorca

Desideriu

1920

Solu, lu to core calurosu

è nunda d’altru.

Lu mio paradisu, un campu

senza rusignolu

nè lira

cù un riu prudente

è una funtanella.

Senza ventu chì sprona

li frundami,

nè stella chì voglia

fà si fronda.

Una smensa luce,

chì seria una luciola

d’un altru ghjornu

in un campu

di sguardi rotti.

Chjaru riposu

duve tutti li nostri basgi,

nivuli sunadori

di l’eccu,

anderianu à sbuccià.

È lu to core calurosu

è nunda d’altru.

(Traduttu in lingua corsa da Guidu Benigni in Puesie scelte)

Cum’è tè

Vestuta di villutu avia l’ochji chjari

À fiancu à a so mamma in giru u parentatu

Ci fideghja distratta à u sole

Chì si ne và

U ritrattu hè ingiallitu ma ci viderai

L’amore in un surrisu una sera luntana

Li piacia à ascultà à Mozart è à Schumann

Cum’è tè cum’è tè cum’è tè cum’è tè

Cum’è tè cum’è tè cum’è tè cum’è tè

Cum’è tè ch’o fideghju cun amore

Cum’è tè chì t’addurmenti o tesora

Cum’è tè cum’è tè cum’è tè cum’è tè

Si n’andava à a scola in paese d’in ghjò

Amparava e leggi è i libri di storia

Cantava e granochje è e principesse

Di e fole

Li piacia a so puppatula i s’amichi

Soprattuttu Anna Ruth eppo Jeremie

È si serianu forse spusati in Varsuvia

Cum’è tè cum’è tè cum’è tè cum’è tè

Cum’è tè cum’è tè cum’è tè cum’è tè

Cum’è tè ch’o fideghju cun amore

Cum’è tè chì t’addurmenti o tesora

Cum’è tè cum’è tè cum’è tè cum’è tè

Si chjamava Sarah ùn avia ott’anni

A so vita era ghjochi, sogni di verani

Ma altra ghjente un ghjornu l’hà purtatu affanni

Avia i t’ochji chjari è avia a t’età

Zitelluccia tranquilla da tutti amata

Ma ùn hè micca cum’è tè nata quì è avà

Cum’è tè cum’è tè cum’è tè cum’è tè

Cum’è tè cum’è tè cum’è tè cum’è tè

Cum’è tè ch’o fideghju cun amore

Cum’è tè chì t’addurmenti o tesora

Cum’è tè cum’è tè cum’è tè cum’è tè

Cum’è tè cum’è tè cum’è tè cum’è tè

 03/03/20

Fotografia web, zitelli è donna daretu à i fili spinati in Birkenau

D’appressu à Comme toi (parulle Jean-Jacques Goldman)

https://www.youtube.com/watch?v=ySZBnMukO8g

O lu mo babbu è la mo mamma !

O lu mo babbu è la mo mamma ! O i mo cari defunti, chì avete campatu cun tanta mudestia in ‘ssa casuccia, à voi devu tuttu !

U to ardore, curagiosa mamma, u m’ai trasmessu. S’aghju sempre assuciatu a grandezza di a scienza à quella di a patria, hè perchè eru impastatu di i sentimenti chè tù m’avii ispiratu.

È tù, caru babbu, a to vita fù faticosa quant’è u to mistieru, m’ai mustratu ciò ch’ella pò fà a pazienza in l’impegnu à longu andà. À tè devu a tenacità in lu travagliu d’ogni ghjornu ; avii e qualità perseveranti chì rendenu e vite utili, è dinù l’ammirazione per l’omi di prima trinca è per e grandi cose. Guardà in sù, amparà sempre di più, circà à elevassi sempre, eccu ciò chè tù m’ai insegnatu. Amparendumi à leghje, eri penserosu d’amparammi a grandezza di a Francia.

Siate benedetti l’unu è l’altru, cari parenti, per ciò chè vo site stati, è lasciatemi dedicavvi l’omagiu fattu oghje à ‘ssa casa.

02/03/20

D’appressu à u discorsu di l’inaugurazione d’una lastra cummemurativa posta nantu à u muru di a casa nativa di Louis Pasteur in Dôle.

Discorsu fattu da Pasteur stessu, chì ne prufitta per ripurtà ‘ss’omagiu nantu à i so parenti smariti.