U suminadore

Eccu l’ora di l’attrachju ;

Da sott’un purtò m’incanta

U sprichju di luce nant’a

L’ultima ora di travagliu.

In le terre abbughjate,

Mi cummove u vechju pannu

D’un anzianu chì à manate

Sumena u biondu granu.

Alta la so siluetta

Supraneghja l’aratura

Da tantu po l’addiletta

U miraculu d’a natura.

U vecu in la piaghja smensa,

Passa, vene, lampa a biada

Apre a manu è ricumencia,

À ritmu d’a so scarpata,

Mentre, stendendu e so vele

È mischiata à u rimore

L’ombra allarga à e stelle

L’attu di u suminadore.

21/03/2020

D’appressu à Le semeur di Victor Hugo.

Pittura Le semeur di J-F Millet.