jeudi 31 mai 2018

Quella chì ùn si pò scurdà...

Mille passi in a rena

u ventu l'hà spulati

mille passi in a neve

u sole l'hà sguassati

trè passi à u to latu

in core à me sò firmati.


dimanche 27 mai 2018

Veni cun me

Veni cun me alma zingara
partu à rifà lu viaghju
cun a mio pena per bagaghju
un basgiu u ricordu di Lara.

Sona per ella a mio ghitarra
cun a forza ch'ùn averaghju
canta à u mondu u so curaghju
è di l'agnella a stonda amara.

Cusì corta fubbe a so vita
carca di suffrenze è di pienti
d'esiliu è di tradimenti.

Tengu aperta la ferita
eterna muca chì sussura
ùn ti scurdà di 'ssa sciagura.


22/01/18





Natu in 17 in Leidenstadt

S’era natu in 17 in Leidenstadt Nantu à ruvine insanguinate Seria statu un bravu o un peghju cristianu S’era statu Allemanu Di t...