A ballata di a povara ghjente

O rè chì serete ghjudicati un ghjornu

Pensate à quelli ch’ùn anu un baiuccone ;

D’u populu amore abbiate cumpassione,

Prontu à zappà è prontu à fà a guerra

À pagà e tasse è à fà a tribbiera.

A povara ghjente hè dannata - hè cusì !

È a so soma sempre di più pisia.

I menu tocchi ùn anu u necessariu.

U fretu l’acqua eppo l’astru sulariu,

Per i disgraziati tuttu hè calvariu.

U corciu paisanu hà u so da fà

Tale à ‘sse bestie minate di staffile.

Hà fattu e vindemie, messu u fornu à scaldà

Per un pranzu un matrimoniu da accuncià,

Vene u signoru sempre di più vile ;

È nantu à u so vassalu in lu dannu,

Cum’è un acula l’artigliu, mette a manu,

« Eccumi ! » dice pigliendu pane è fruttu

Per i disgraziati hè calvariu tuttu.

15/03/2020

D’appressu à Ballade des pauvres gens, di Théodore de Banville.