Piove

Piove – chì piacè. T’amu tantu

e ci passeremu inseme

‘sse stonde d'amore tamantu

ci piace u nostru nidu quandu lu celu geme.

Piove. Passanu è venenu i tassì

vecu filà i vitturoni,

è nantu à u fiume i battelloni

facenu un rimore dà scimì.

Chì piacè : piove. Stò à sente

u sciacquittime di a tempera

pichjà u vetru à sgucciulera

 è mi surridi teneramente.

T’amu tantu. È ss’acqua chì pienghjuleghja

sanghjuzzendu cum’è un addiu…

sì per parte , O Diu !

In lu to sguardu piuvicineghja…

u 16 di lugliu di u 2015

Il pleut - c'est merveilleux. Je t'aime.

Nous resterons à la maison :

Rien ne nous plaît plus que nous-mêmes

Par ce temps d'arrière-saison.

 

Il pleut. Les taxis vont et viennent

On voit rouler les autobus

Et les remorqueurs sur la Seine

Font un bruit... qu'on ne s'entend plus !

C'est merveilleux : il pleut. J'écoute

La pluie dont le crépitement

Heurte la vitre goutte à goutte...

Et tu me souris tendrement.

Je t'aime. Oh ! Ce bruit d'eau qui pleure,

Qui sanglote comme un adieu

Tu vas me quitter tout à l'heure :

On dirait qu'il pleut dans tes yeux

Francis Carco