Ùn a si miritava u mo tintu core
chè tù li fessi cusì grande dispettu
andendutine ver di un altru pettu
ne sò tantu trista ch'ùn sò più di l'ore
Di u mo celu s'hè svanitu u culore
sempre hà tenutu quellu di l'affettu
è privu di ellu, caru addilettu
ancu u pampasgiolu hà persu u so russore
Per tè n'aghju scrittu rime è puesia
chì solu una namurata a puderia
ùn avisti cura di tantu languore
u male d'amore m'hà messu a catena
perchè fermi tù chjosu in lu mo core
duve a to presenza ingranda a so pena ?
07/10/18
Aucun commentaire:
Enregistrer un commentaire