mercredi 20 mai 2020

A povara ghjente



(Frammenti)

Trimuloni cum’è s’ella avessi peccatu
Dice : «a sai ch’ella hè morta a vicina
Serà morta eri, ùn s’hè vista in cantina
Era in a serata, tù ti n'eri andatu.
Lascia dui orfagni, chjuchi, i curciarelli
U mascu hè Ghjilormu a femina Maddalena ;
Unu ùn marchja unancu è l’altra parla appena
Povara disgraziata era in u bisognu.»
L’omu, impenseritu lampò in un scornu
U so berettu frustu, crosciu da a timpesta.
“O Signore !” disse grattendusi a testa,
«Da cinque passeremu à sette figliulelli.
Focu spentu è pignatta rotta certe sere
Cumu avemu da fà cun duie bocche in più ?
Ùn li si pò dì : «travagliate !» chì sò chjuchi.
Vai à circalli. S’elli sò discitati
Averanu a paura soli cun a morta.
Hè ella, ùn la vedi, chì pichja à a porta.
Apri à ‘ssi criaturi, steranu mischiati;
Ci culleranu a sera nantu à i ghjinochji.
Camperanu. Fratellu è surella di i nostri...
Biieraghju l’acqua travagliendu a ghjurnata,
Hè detta. Ma cosa ai ? Sì cuntrariata ?
Di solitu, faci tuttu à a corsa.
- Mìlli sò quì !» dice aprendu a tendina rossa.

20/05/2020

D'appressu à Les pauvres gens di Victor Hugo (La Légende des Siècles).


Aucun commentaire:

Publier un commentaire

A ballata di Florentin Prunier

Hà resistutu ùn sò quantu ghjorni È a so mamma era à fiancu à ellu. Hà resistutu Florentin Prunier Chì a so mamma ùn vole ch’ell...