O credenza di u tempu passatu !

Ed hè una larga credenza sculpita

A leccia s’assumiglia à ‘ssa vechja ghjente

A credenza hè aperta è à l’infinita

Sparghje un muscu di vinu è profumi ardenti

Piena triccia : buleghju di vechjaria

Di stracci, di panni odoranti è gialli

Di donne è di ciucci, di stofa impassita

Mandili di mammò pinti à carofali

Si truveria qui medaglie è ciuffi

Di capelli cari, ritratti è fiori

À u muscu mischiatu à quellu d’i frutti

O vechja credenza ne ai ricordi !

È vuleristi cuntà gioie è sventure

Quandu pianu s’aprenu e to porte scure.

08/04/2020

                                    Pittura Fabien Montes

D’appressu à O buffet du vieux temps !, di Arthur Rimbaud.