dimanche 24 mai 2015

Paese...

Quandu a memoria ammenta e più sebiate stonde
rivecu un paisucciu in pannu veranile
viole annannate da l'alitu d'aprile
un muscu fiuritu ch'intornu si diffonde.

Laudanu u veranu e muse vagabonde
cantanu sin'à sera i zitelli in curtile
è centu campanelle in giru à u casgile
corre a felicità nant'à l'amate sponde.

Duve voca u ricordu u core s'incammina
in l'inchjostru d'amore intinghje la so mina
da impennà per tè u più dolce filaru.

Si disceta l'archettu è sona a mandulina
perchè circalla altrò quandu l'aghju vicina
a gioia di campà in un paese caru.

14/01/14

2 commentaires:

  1. Belle fiure sbucciate in 'ssi filari veranili...è castagnini s'ùn mi sbagliu ? Ghjacumu

    RépondreSupprimer
    Réponses
    1. Bingo ! Sanu più di castagnu chè d'alivu...da chì ùn sò balanina.

      Supprimer

Natu in 17 in Leidenstadt

S’era natu in 17 in Leidenstadt Nantu à ruvine insanguinate Seria statu un bravu o un peghju cristianu S’era statu Allemanu Di t...