dimanche 24 mai 2015

Ricordi d'Ellenìa

T’avveni ?

L’azuru ci cuntava e fole d’Iunia. E bianche culonne, vistiche d’un tempu d’eroi, si rispechjavanu à l’infinitu .
Curonna d’alloru nantu à e mo chjome d’ebanu, longa rodda immaculata, caminava in quelle strette culore di sciuma tale una vestale antica ; à e finestre, sventulavanu lenzoli gialli è rossi, gonfi cum’è vele in partenza. U trattu marinu, carcu di sogni è di sperenze, carizzava a mo pelle.
Tavulini fiuriti,  curbelle d’uva è d’aranci, amandulata, s'appruntavanu i prumessi sposi . L’allegria era dapertuttu : in u sonu d’u viulinu, a risa di i zitelli, u dolce muscheghju di vinu è di frutti maturi chì si sparghjia in l’aria veranile…

O Ellenìa ! Veculu è stantu ! Gemma d’incantu ! Madreperla persa in l’immensità turchina ! Contalu à me, ch’ùn sò più dì, ssu tempu amatu…


 
 
 10/05/15

Natu in 17 in Leidenstadt

S’era natu in 17 in Leidenstadt Nantu à ruvine insanguinate Seria statu un bravu o un peghju cristianu S’era statu Allemanu Di t...